MPF-Corner - M(anage)-P(ersonal)-F(inance)

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ 講道經文：   路加福音 21:8-13, 29-33 講道題目：   瘟疫中的信心 https://youtu.be/0oCBczwMOE0 正所謂橋唔怕舊，最緊要受。 2008年有雷曼兄弟迷債（真兄弟）「我遲啲食你」 I killED you later（accumulator）產品，高風險嘅衍生工具扮無風險嘅儲蓄產品，之後十幾年改頭換面用保險公司擔保扮AAA產品，今年有內地「原油寶」。條橋其實冇變過：叫你買一啲好似冇風險嘅金融產品例如大藍籌股票，平時冇事俾10幾厘利息（不過只係年息）俾你，話俾你聽基本上你唔使做啲乜嘢，只有嗰啲投資產品嘅價錢跌到去一個近十年好少去嘅低水位（即係黑天鵝），你先至要接貨⋯⋯然後或者細細聲同你講：其實係用個價錢嘅差額補返俾對方。係咪有啲似曾相識？精明嘅香港人今時今日已經見到成屋黑天鵝係你面前，分分鐘仲住埋喺我哋屋企，亦都唔使再解釋俾你聽個I killed you later係點樣操作，都killed咗，根本唔重要，淨係要知道呢啲叫做「對賭」就得㗎啦。 我唔賭錢，因為我想上天堂，準確啲講係我唔想落地獄。因為自己領過嘢，然後領悟聖經教我哋唔好貪心其實係為人好。賭就係以小博大，講得好聽啲叫risk taking，學術啲叫搵風險同回報嘅不對稱，其實就係想一定程度嘅不勞而獲。你或者覺得不勞而獲冇問題，但你會唔會教你啲仔女咁樣做？咁你就明白到賭博點樣為害人間。輸錢其實真係唔太緊要，大鑊嘅係佢會令人唔服輸，不斷咁想搏翻盤，之後佢就乘虛而入，最後買咗你個靈魂，令你家破人亡⋯ 講返點解我覺得最大獲嘅爆煲仲未到。你睇吓近期內地有「原油寶」理財產品爆煲，之前又有新加坡炒期油破產嘅興隆集團、幸瑞咖啡涉嫌造數，基本上係過去200年金融歷史中所有危機爆發的同一劇情：超低利率造成資金泛濫加上人性嘅貪婪（同埋無知），造就咗不負責的投資和融資行為，基本上就係賭博（可以話係全球嘅中央銀行用零利率甚至負利率迫人賭...

*2020.04.25 週六崇拜 @ 05:00pm* *2020.04.26 English Worship英語崇拜 @ 11:15am* *【非一般的時代、非一般的崇拜】Extraordinary Worship @ Extraordinary Time* 講道經文：   路加福音 21:8-13, 29-33 講道題目：   瘟疫中的信心 Scripture：   Luke 21:8-13, 29-33 Sermon：     Faith in the Midst of a Pandemic *「週六崇拜」（週六 5:00pm） 直播 ：* https://livestream.com/accounts/1547101/events/9100988 *「English Worship 英語崇拜」（週日 11:15am） 直播 ：* https://livestream.com/accounts/1547101/events/9100991 「週六講道」與「英語講道」，將於崇拜結束 2 小時之內，上載於「真理廚房」 (www.TruthKitchen.tk)。講道的經文與題目如下（Dennis 週六，林牧師 English）：  「基督福音」是我們生命中最大的喜樂。求主幫助我們，在危難之時，更是以福音為喜樂！ 也鼓勵你把我們「崇拜講道」的資訊，與其他弟兄姊妹和慕道朋友分享。 Youtube：  www.TruthKitchen.tk Facebook：  www.TruthKitchenFB.tk

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ 送給你比金錢回報更重要嘅禮物： 《青年才俊、前程錦繡》 https://youtu.be/SunJzVbzDxo （上集） https://youtu.be/OLj9RhAMc0A  （下集） 好多經濟專家包括IMF、世界銀行等都話今次唔係普通經濟衰退，有唔少相信係至少似美國1929年大蕭條。當時美國失業率30%，而家係20%。其他唔講住。 咁香港人嘅MPF，已經供咗嗰啲基金供款要唔要轉係一樣嘢，但每月新供款仲未發生，應該分開諗。呢次同大家探討下所謂每月平均法係呢啲情況有冇SO。 咁1929年當時股市點跌？強力建議大家睇全球最大對沖基金老闆寫嘅Big Debt Crisis（後面有官方免費版嘅LINK）。推薦原因唔係淨係因為佢名大，而係佢對大蕭條嘅記錄係非常精細，有啲係以禮拜做單位。仲有，佢連世界大戰同和平時期嘅48次金融危機都有詳細嘅經濟、匯率、股市嘅數據，又要資料來源自己 FACT CHECK兼學嘢，非常罕有。 講返大蕭條，成個過程係由1928年至1937年，即係有9年咁長。美國股市（道瓊斯工業平均指數）由頭到尾跌咗幾多？9成！係，90%。中間有好多救市呀、好消息呀，製造好多精彩反彈（如果買得啱，仲要又賣得切）。問題係：大家街坊有冇咁好身手又咁好心理質素。 其他唔及大蕭條咁大劑嘅經濟衰退嘅時候（恒生指數全部跌超過一半）香港股市返家鄉嘅時間： 1987年：4年 1994年：2年9個月 1997年：2年5個月 2000年：6年3個月 2008年：10年2個月 簡單啲講，如果你睇到呢啲發生咗唔係好耐嘅數據，比較下依次跌咗幾多、幾耐，應該有啲想法依家未供嘅錢應唔應該繼續買啲高風險基金，一話先放係現金類嘅MPF保守基金。可以睇返之前嘅POST查下你MPF計劃邊個係現金選項。前輩教落，發球權最好係自己手上，大風大浪，睇定買都唔遲。我哋行家明白現金本身就係一種資產，但一般人係過去10年唔會好多仲記得。 股價、債券甚...

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ 巴士我哋識，美國巴郡或者有啲識，就算唔識，佢哋老闆巴非德（唔係姓巴）或者多啲人識。幾日前有人問佢哋有冇執平貨，佢拍檔話：唔知單嘢點收科。記住，佢哋係全世界最成功嘅投資者同生意人，應該知道好多絕大部分人唔知嘅嘢。唔好當佢哋係「普通」大戶。 https://youtu.be/2Ma6Z8sFroY https://www.google.com.hk/amp/s/www.wsj.com/amp/articles/charlie-munger-the-phone-is-not-ringing-off-the-hook-11587132006 如果大家睇咗覺得有少少用， 請各位每人分享俾10個朋友, 感謝!

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ 你都應該知道呢度唔會有你諗嗰啲冧把。 但係呢幾個冧把絕對可以證明大部份人係天生樂觀： 10+年嘅實驗（肺炎之前都已經唔算成功） 搞咗5000年都未有過嘅超低息怪物 其實係 建基係得100年嘅理論 心水清嘅你應該已經收到⋯⋯未收到嘅好明顯係好謙嘅朋友，冇問題⋯⋯ 解釋： 1. 依家用咗10幾年嘅超低利息＋QE＋乜乜物物英文字母嘅救市實驗，已經搞到物價飛升去咗外太空，全球好多政府俾右翼政黨上台（同踢波嘅右翼冇關，雖然好多呢啲國家都係足球強國） 2. 大家成日聽到好權威嘅美國聯邦儲備局（主導世界金融秩序嗰個），只有啱啱107年貨仔； 家陣好多國家嘅政府話印錢唔駛驚後果嘅所謂現代經濟理論，係美國聯儲局成立之後先至出世，即係都係得百零年貨仔  3. 自從2008年金融海嘯開始減息，依家全世界嘅利息係人類5000年歷史以來最低（唔好問我邊個咁得閒整呢啲數據） 如果大家仲覺得呢個世界好正常，你睇下黃子華2012年嘅洗燥。 https://www.federalreserve.gov/aboutthefed/fract.htm https://finance.yahoo.com/news/5-000-history-interest-rates-154000242.html 如果大家睇咗覺得有少少用， 請各位每人分享俾10個朋友

*【非一般的時代、非一般的崇拜   Extraordinary Worship * 網上直播  LIVESTREAM *2020.04.18 週六崇拜  @ 5:00pm* *2020.04.19 English Worship 英語崇拜  @ 11:15am* Extraordinary Time* *「週六廣東話崇拜」（週六 5:00pm）直播：* https://livestream.com/accounts/1547101/events/9079958 *「English Worship英語崇拜」（Every Sunday 週日 11:15am）直播：* https://livestream.com/accounts/1547101/events/9079962 此外，「週六講道」與「英語講道」，將於崇拜結束 2 小時之內，上載於「真理廚房」 ( http://www.truthkitchen.tk/ )。這個週末的講道經文與題目如下：  講道經文：    約翰福音 4:43-54 講道題目：    奇妙的救主，復活的兒子 Scripture：   Joel 1:1-5, 2:28-32 Sermon：      Minority Report: Joel Youtube ：   https://livestream.com/accounts/1547101/events/9089778 Facebook ：   https://www.facebook.com/TruthKitchenTK/

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗之前嘅內容覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ *【非一般的時代、非一般的崇拜   Extraordinary Worship * 網上直播  LIVESTREAM 講道經文：    約翰福音 4:43-54 講道題目：    奇妙的救主，復活的兒子 Scripture：   Joel 1:1-5, 2:28-32 Sermon：      Minority Report: Joel *2020.04.18 週六崇拜  @ 5:00pm* *2020.04.19 English Worship 英語崇拜  @ 11:15am* Extraordinary Time* *「週六廣東話崇拜」（週六 5:00pm）直播：* https://livestream.com/accounts/1547101/events/9079958 *「English Worship英語崇拜」（Every Sunday 週日 11:15am）直播：* https://livestream.com/accounts/1547101/events/9079962 正所謂大話怕計數，家陣好多人話去全球化deglobalization，但唔多見有啲歷史數據。我就揾咗啲數據，係WTO甚至之前嘅GATT（可能好多人未聽過）成立前後，就係標誌住全球化嘅重要里程碑。 關稅可以加幾多，大家睇下呢個圖就知道以前嘅世界係點（美國入口關稅）。1970年美國入口關稅平均係6.5%，2016年係1.5%，跌咗77%，睇個情況上升就冇懸念，而且可以好似TRUMP話，以倍數計都只係唔係好耐之前嘅事。當然，如果美國市場唔再重要嘅話大家可以唔使理。 https://www.b...

＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。 如果大家睇咗之前嘅內容覺得有少少用， 請各位每人分享俾10個朋友 ，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊ 分析啱唔啱係好多因素影響，但方法方向最緊要。最弊係right for the wrong reasons。獨立思考人人都會講，但自己做一手資料搜集未必好多人會做。 今日美國特朗普總統宣布暫時cut WHO funding。其實WTO影響仲大。如果佢退出WTO會點？今時今日大家應該明白咩都可以發生。咁不如大家花啲時間睇下WTO之前嘅世界，特別係中國2001年加入之前係點，個人覺得非常有用。之後亦會分享一啲數據俾大家。 宜家大家睇下呢啲先。如果大家揾到2001年當時嘅新聞VIDEO請發俾我，更加原汁原味。 https://www.tid.gov.hk/tc_chi/trade_relations/chinawto_pamphlet.html https://www.youtube.com/watch?v=zSOHjmzu2gw https://www.bbc.com/zhongwen/trad/indepth/2014/11/141110_china_wto_13_years https://edition.cnn.com/2001/WORLD/asiapcf/central/11/10/china.WTO/index.html?_s=PM:asiapcf

係呢度先多謝大家睇呢個BLOG。 感恩自己以前交過學費，知道萬有引力同自然定律嘅威力，自從2018年年中就開始用呢個月來係呢度分享嘅方法分析出環球投資市場已經大大透支咗個經濟，更加透支埋市場自己，就開始建議自己幫手做義務顧問嘅慈善機構套現保本，之後朋友問MPF意見，都係叫佢哋用MPF保守基金揸現金，到今日朋友應該明白原因。可以咁做完全係上帝俾嘅智慧同恩典，因為自己曾經錯得好勁，開始明白風險管理首先係管理自己嘅心理，盡量冷靜唔俾市價更升而唔睇啲唔合理嘅現像，失去獨立但common sense嘅思考。詳情可以睇睇呢個BLOG之前嘅內容。 自己係度其實想開始同大家分享一啲又簡潔但自己覺得非常重要嘅金融見解，但之前朋友嘅問題都已經答咗。如果仲有需要，自己會繼續寫。 所以想大家幫一個忙。如果大家睇咗之前嘅內容覺得有少少用，請各位每人分享俾10個朋友，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。 再次多謝大家睇呢個BLOG。

朋友問：宜家世界啲中央銀行又再放水，救唔救到經濟？ 其實正如諾貝爾經濟學獎得主‎Daniel Kahneman的書《Thinking , Fast and Slow》用科學化嘅實驗證明：人本身係唔理性嘅。 2009年世界金融危機後，全球中央銀行大印銀紙，之後全球嘅樓、股、古董、名畫、藥材價格通通升咗幾倍，只因為有錢冇嘢買。至於救唔救到經濟？你睇下全球嘅負債升咗幾多就應該明白。如果經濟係由生產上升帶動消費，負債唔應該同啲物價一樣以幾何級數上升。但你睇下今日包括中國、美國、歐洲、日本，佢哋嘅政府已經唔再敢好似以前咁又減息又揼水都唔驚。家陣美國失業率已經17%，中國第一季GDP已經冇咗一大截，而且平均人人嘅負債已經高過2009年嘅水平幾倍。咁係咪即係過去十幾年嘅「繁榮」其實係碌卡碌返嚟嘅？咁係咪可以持續？ 可以由冇變到有嘅我只知道一位，呢位就係創造宇宙嘅上帝。我哋生產每樣嘢都係用有限嘅天然資料做材料，金融市場就更加冇創造任何嘢出嚟。 人就係咁樂觀，成日認為明天會更好，所以覺得一定有方法。人想救經濟其實係良好意願，不過如果認為不停借錢、消費係可以救經濟就似乎比較天真，而且唔負責任，更加不可持續。你信嘅話就似乎係迷信多過分析喇。 不過，人經常用唔同嘅方法求經濟，真係好似上帝叫自己嘅獨生兒子救我哋嘅心態，令我從另一個角度睇到上帝俾咗佢嘅形象俾人。當中唔同嘅係，上帝係上帝，但人嘅罪性缺陷令我哋無論幾好意願，做嘅嘢始終唔會work，歷史只係不停重複。過去10幾年用幾千年人類歷史未有過嘅低利率去迫人投資搞到全世界物價飛咗去太空，將當時嘅問題拖住先，但一個疫症就將所有嘅後遺症揭晒出嚟。家陣又用印銀紙去處理呢啲後遺症，你話會點？我唔識估，但好難可以覺得件事係合理、方法係對症下藥囉。如果咁都得，就即係話做任何事都唔會有後果。 人係要面對自己做嘅事嘅後果，咁先係大自然嘅運作法則。上帝可以救我哋，但要我哋先面對自己嘅罪，即係承認自己係有缺陷，而且唔可以自救，要靠耶穌嘅十字架救恩去贖咗我哋嘅罪，然後跟隨佢嘅教導去生活。呢個救市方案就係咁，歷世歷代係無數人嘅生命中證明係work。如果大家覺得一直唔work嘅救市方法救唔到經濟（除非唔係），你係咪應該問問自己點解唔信上帝有成功記錄嘅個plan？ 如果可以，麻煩幫手share出去。感謝。

朋友問：你點睇個市？ 其實佢可能想問：個市幾時好返？ 咁係咪應該問：你信唔信現在呢啲金融制度、社會制度係咪會自我修正？即係指好似你跌損咗，傷口會自己生返埋？ 如果你信，你有冇fact check？人類歷史係咪咁？係咪應該有呢個基礎先可以覺得個市（即係個經濟）會返來會合理啲？ 如果你唔認為現在嘅種種制度係會自我修正，咁就唔應該期望幾個月或者一年之後事情會去返以前咁。 呢啲唔係叫做灰，只係想將件事簡化，睇吓核心問題係邊度。 我唔知件事會點，但相信一樣嘢：唔合理嘅始終要打回原形。灰姑娘可以有Happy Ending，但要有另一種外力去改變事情嘅軌跡，而且要知道呢個係童話故事，可以勵志一下，但當真你就輸。千祈唔好期望唔合理嘅嘢會無止境咁繼續落去，否則問題就唔係人哋度。 如果你認為點都要信一啲嘢先至可以有力量活下去，咁點解你唔信有一位神為你為我嘅天生缺陷——罪性——捨棄尊嚴，甘心承受釘十字架呢個酷刑，流咗3個鐘頭血而死。但佢係自己選擇咁做，仲係自己容許成件事嘅發生。 香港人一年前可能覺得係神話或者無稽。如果今日叫你真係認真啲諗吓，其實唔少人信緊一啲無稽10倍嘅嘢，點解呢樣又唔信？ 如果可以，請幫忙share一下。 希望你都可以得到主耶穌嘅救恩。

犧牲對好多人講本來好遙遠，但今日相信大家已經唔會覺得係天荒夜談。 咁呢句你點睇：「為義人死是少有的，為仁人死或者有敢做的； 唯有基督在我們還做罪人的時候為我們死，神的愛就在此向我們顯明了 」？ 今日就係紀念一位為世界嘅人死、贖返個靈魂返來嘅耶穌受難節。耶穌死只係一步，佢因為我哋犧牲佢本來嘅尊嚴，以當時嘅最剝奪人性嘅死刑，被不公審判、行私刑，連件衫都被人分埋。你點睇？ 受難犧牲節崇拜，11:00am網上直播：  https://livestream.com/ccchurch/events/9078452

呢度冇建議買定賣，只係同你講一啲你可能唔知你自己MPF嘅嘢。 如果你MPF有㨂香港股票，你可能已經被做咗匯豐股東。因為好多指數基金都有揸0005： 比如好多港人嘅至愛盈富基金（2800)，入面就有9.26%匯豐（左邊第三行）。 資料來源： https://www.trahk.com.hk/chi/download/TraHK_Factsheet-Chinese.pdf

風險其實就係同你諗法相反。即係你想佢升佢就跌（通常都係）。計嘅方法有好多，不過最重要係幾大機會跌（MPF冇得沽空）。 用2020年2月底數據，最高至最低風險嘅排名係⋯⋯ 最高風險： 股票基金 最低風險： 強積金保守基金 個次序係下面（按照出積金局網站結果嘅現先後計）： 係積金局網站，風險係用中學數學教嘅Standard Deviation。SD越高，個價「發」得越勁。

*【非一般的時代、非一般的崇拜   Extraordinary Worship * 網上直播  LIVESTREAM *2020.04.11 週六崇拜  @ 5:00pm* *2020.04.12 English Worship 英語崇拜  @ 11:15am* Extraordinary Time* *「週六廣東話崇拜」（週六 5:00pm）直播：* https://livestream.com/accounts/1547101/events/9079958 *「English Worship英語崇拜」（Every Sunday 週日 11:15am）直播：* https://livestream.com/accounts/1547101/events/9079962 此外，「週六講道」與「英語講道」，將於崇拜結束 2 小時之內，上載於「真理廚房」 ( http://www.truthkitchen.tk/ )。這個週末的講道經文與題目如下：  講道經文：   約翰福音 13:1-12 講道題目：   逆轉人生的洗腳 Scripture：   John 13:1-12 Sermon：      A Washing Unto Eternity Youtube ：   https://www.youtube.com/channel/UCO7NKl7d09Myed9dVixoDlA Facebook ：   https://www.facebook.com/TruthKitchenTK/

聲明：呢個唔係健康建議 百幾蚊你俾得起。呢個唔使講。 個人認為使1次買股票嘅經紀佣金，就可以有諾貝爾 獎 得主教你點樣 唔 俾新聞影響心情做錯投資（同其他）決定。普通人都明嘅例子同解釋，冇高深學術嘢。當小說睇。 本書賣點有3個： 1. 內容短、仲可以㨂獨立嘅主題揭嚟睇 2. 教明你點估疫症傳播率（？） 3. 話你知媒體（同有權有勢嘅人）可以點樣玩消息唔中招 https://www.msn.com/zh-hk/money/news/%E3%80%8C%E6%95%85%E4%BA%8B%E7%B6%93%E6%BF%9F%E5%AD%B8%E3%80%8D%E7%95%B6%E9%81%93-%E5%89%96%E6%9E%90%E6%8A%95%E8%B3%87%E8%80%85%E6%9C%80%E4%BD%B3%E8%87%AA%E4%BF%9D%E7%AD%96%E7%95%A5/ar-AAIyLok https://www.youtube.com/watch?v=yLsG4R8FFOc

瑞幸咖啡虛增22億人幣交易額⋯⋯股價曾瀉逾八成 過去9個月，香港人應該明白歷史發生過嘅事，無論啲嘢你以為幾百年一遇，我哋都可以一晚之間見證歷史。分鐘股票圖原來可以90度（向下），10年嘅事當冇發生過。 人性貪婪、全世界都係： 美國波音飛機斷估你都坐過，飛機安全測試可以係假嘅，累死幾百人（未計可能有啲從來冇被揭發嗰啲）； 再之前日產汽車「NOTE」等檢車報告又係假； 神戶製鋼鋁製品的強度同尺寸等數據又係假（豐田、三菱重工、新幹線都係佢啲客）； 德國大眾汽車Volkswagen (VW)軟件操控廢氣排放都造假⋯⋯ 呢單瑞幸咖啡其實只係小菜一碟。 問題係：成個世界究竟 仲有幾多係 真 ？你MPF被焗買嘅會有幾多中伏？特別係當冇錢再玩掩眼法嘅時候⋯⋯ 總之，小心Too Good To Be True。10次有11次中。話係香港製造嘅口罩可能都係一樣。 https://www2.hkej.com/instantnews/international/article/2426307 在美國上市的內地連鎖咖啡店瑞幸咖啡(Luckin coffee)公告稱，董事會成立一個特別調查委員會，發現該公司去年第二季至四季期間虛增22億元人民幣交易額，相關的費用和支出也相應虛增，目前調查仍在進行。股價在開市前瀉逾八成，至開市後，最多瀉81.3%，低見4.9美元；收市仍跌75.57%，報6.4美元。 瑞幸咖啡回應稱，該公司正在評估不當行為對其財務報表的整體財務影響。因此，投資者不應再依賴公司以前的財務報表和截至9月30日的9個月的收益發布，2019年及從2019年4月1日起至2019年9月30日止的兩個季度，包括先前對2019年第四季產品淨收入的指導，以及與這些合併財務報表有關的其他訊息。該公司將繼續評估其先前發布的財務狀況和做出其他可能調整。 多家律師樓公開表示，在去年11月13日至今年1月31日間曾購買該股的投資者，如果試圖追回損失，可以與律師樓聯繫，截止日期為本月13日。 沽空機構渾水1月底發表報告認為，瑞幸咖啡從去年第三季開始捏造財務和運營數據，誇大門店的每日訂單量、每筆訂單包含的商品數、每件商品的淨售價，從而營造出單店盈利的假像。

大家每日用咗幾多時間睇關於疫情、經濟嘅資訊？呢啲係人之常情，不過其實有冇用？或者應該問：就算我哋過到呢鋪又點？之後呢？人類歷史其實已經出現咗好多次更大鑊嘅災難，呢個世界係咪越來越好？人性有冇進步過⋯⋯？呢個發展係咪可以持續？呢度俾個我認為係終極出路大家。其實亦係唯一出路。 主耶穌 說：「 不要為你們的生命而憂慮⋯⋯你們應當先尋求上帝的 國和神的義，這一切都將加給你們了。」 （聖經馬太福音第六 章 ） 25  所以我告訴你們：不要為你們的生命而憂慮吃什麼、喝什麼；也不要為你們的身體而憂慮穿什麼；難道生命不比食物更重要，身體不比衣服更重要嗎？   26  應該看天空的飛鳥：牠們不撒種、不收割，也不收集在倉庫裡，你們的天父尚且養活牠們；難道你們不比飛鳥更重要嗎？   27  你們當中誰能因著憂慮使自己的壽命延長一刻 呢？   28  你們為什麼為衣服憂慮呢？應該觀察野地裡的百合花是怎麼生長的：它們不勞動，也不紡織。   29  但是我告訴你們：就連 所羅門 在他最榮耀的時候，所穿戴的也不如這些花中的一朵。   30  你們這些小信的人哪！野地裡的草今天還在，明天就被丟進火爐裡，神尚且這樣裝扮它，更何況你們呢！   31  所以不要憂慮，說『我們吃什麼？喝什麼？穿什麼？』   32  因為這一切都是外邦人所尋求的，而你們的天父已經知道你們需要這一切了。   33  所以你們應當先尋求神的 國和神的義，這一切都將加給你們了。   34  因此，不要為明天憂慮，明天自有明天的憂慮。要知道，每一天自有它的難處，這已經夠了。 https://www.youtube.com/watch?v=xDSLvXPVuTE

http://www.mpfa.org.hk/tch/information_centre/RepositoryofSchemeDocuments/index.jsp 其他MPF公司： 宏利 https://www.manulife.com.hk/zh-hk/individual/products/mpf.html AIA https://www6.aia.com.hk/aiapt/mpf/ee/login.jsp?tncAccepted=Y&lang=zh_TW 中銀保誠 https://www.bocpt.com/homepage/

全世界資產價格泡沫有幾大？其實用一個人人都明的說明就可以。 資產價格就是人願意買的價錢。 人買資產是因為有實際需要（自用或轉賣都一樣，始終有用家才有市場） 呢十幾年全球物價升咗幾多？（飯盒、樓價、租金、人工、車錢、燒賣、魚蛋⋯⋯大家好清楚。） 咁全球人口呢？2015-2020每年增長率係 1.1% 。你冇睇錯，係每年 1.1% 。（聯合國World Population Prospects 2019: Highlights數字） 當然各地各類資產物價有自己市場因素，就好似口罩同漂白水價錢。但整體物價飛漲，特別係有價資產，即係買來等升值嗰啲，升得咁行嘅 大部分原因 就應該同需求唔太大關係，只因太多錢買太少貨。呢啲唔係叫供求，係叫有錢冇嘢買。 咁，大家自己決定個泡沫有幾大同如果回歸現實係可以點。