MPF-Corner - M(anage)-P(ersonal)-F(inance)

同朋友的對話⋯⋯ Economics 同 finance 教 invisible hand、market force. 幾百年嚟世界嘅發展係咪sustainable ？如果唔係，呢啲school of thoughts 係咪sound? 近年人類開始知道要sustainability ，要rediscover 大自然、宇宙嘅運作。但係有一個問題：究竟係由人去睇宇宙定係由宇宙睇返人自己？方向錯，乜嘢博士教授嘅結論都必錯。但係未見到人會humble oneself ，呢啲應該係人嘅本性。歷史一直如是，冇得攪。 近期安靜時間多咗，發現一樣野： 人會問點解會咁、唔係咁？ 但係似乎係搬咗龍門：創造天地時嘅運作一直如是，但係人不停破壞，包括人與人之間嘅關係，但係我哋只會從自己角度去再整多啲「法律」、「制度」，天災人禍、金融危機後又救市，又加多啲法律⋯結果只有既得利益者贏咗，社會大眾輸晒。歷史不斷重演⋯ 我哋唔諗下，其實係咪我哋老早就唔按創造世界時嘅自然運作規律，而唔係要自然界（包括人類社會關係）去配合我哋整出嚟嘅「制度」。如果係work ，一早work 咗啦⋯⋯ 不過歷史證明，人嘅私心係令自己唔可以自我修正。

我見到很多人跑來跑去 很急的 一個說：生活艱難，我忙著買賣 第二個說：外面越來越危險 有一個說：看來政府又要救市了，否則銀行和公司會倒閉，大家破產了 新聞天天都一樣 我每日早上都看 次次都是幾個字 或者是堆數字： 失業率10%、20% 某公司關門 栽員 股市指數 物業成交 之後⋯⋯ 減息 再減 噢，完來利息可以零 零完之後再可以減嗎？ 學校沒有教可以 但那些大人物說OK 利息可以是負數 負數是為了救市 為我們好 點解？ 之後講咗一大堆以前冇學過 亦都諗唔明 講嗰位都唔似好肯定 但個樣好認真 「前所未見」、「經濟蕭條」、「量化寬鬆」、「無限印錢」 每日就是看到聽到這幾句 之後 一個月，銀行的存款少了 兩個月，超市東西價錢升了 三個月、四個月⋯⋯ 感受不到被救了 但他們說派了很多很多很多萬億 什麼是一億？我不知道 幾萬、幾十萬應該夠用幾個月 還想其他？ 我怕什麼？ 我也不知道 但我不需要幾億 我怕看到很多人睡在隧道、天橋底 在尖沙咀看不到遊客 但看到多了紙箱 睡袋 床 就放在路邊 還有煮食爐 這應該是一個家 或者是某人的家、某些人的家 我很快經過 想： 這個城市好像變了 但什麼變了？ 我不知道 不，肯定變了 應該世界也變了吧 因為他們說世界經濟很差 我怕了 因為世界可以變得很快 但我不知道變了什麼 是變差了 我怕 因為我不能把他變好 那些人，很有地位的人原來都不可以變好 因為他們說已派了很多錢 開了很多會 但世界都沒有變好 應該沒有人可以把世界變好了

申命記第六章4 - 6節： 「以色列啊，你要聽！耶和華－我們的上帝是獨一的主。 你要盡心、盡性、盡力愛耶和華－你的上帝。 我今日吩咐你的這些話都要記在心上。」 我聽什麼？我聽到什麼？ 我要聽什麼？我想聽什麼？ 我應該聽什麼？我應該不聽什麼？ 我為什麼要聽我要聽的？我為什麼以為我應該聽的是我應該聽的？ 我要真理。我要聽真理。 什麼是真理？為什麼要有真理？ 我在那裡可以找到真理？ 真理重要麼？ 為什麼真理重要？ 人要真理。 世界要有真理。 為什麼世界要有真理？ 我找到了真理麼？ 我想我找到了真理。 真理是—— 如果真理是宇宙運作的規律， 是世界創造時的完美之本， 是那力量—— 遠古時創造宇宙， 同時放在人的心裡。 在人類歷史的背後我見祂的影子—— 在和平時很容易見到祂， 但在戰爭時祂好像隱藏起來， 在飢荒時，祂更好像遠離了， 在瘟疫時，祂好像深不可測。 是祂真的走了？還是我看錯了方向？ 如果「真理」掌管宇宙， 祂應該還在。 祂沒走，也沒有遠離。 因為—— 宇宙還在如常運作， 日出日落依舊。 潮汐如常漲退， 地深吸力仍然有效。 還好，宇宙仍舊運作， 不然我們早就滅絕。 有千百萬個原因我們早已滅絕。 我們應該早已滅絕。 我們創造憎恨； 迫害； 殺戮； 慌言； 狡滑； 噢！ 超級武器； 核武； 生化武器； 金融掠奪； 財富幻象； 但有很多人賺大錢，天天慶祝。 無知的被搶奪； 搶奪的沾沾自喜， 還不知那位「真理」一直盯住他們，等他們收手、回轉⋯⋯ 我們為什麼仍存在？ 應該 就是仍有看顧我們那位「真理」祂自己。 我去過耶路撒冷，但那裡找不到「真理」，因為那城趕走祂、殺了祂。 只剩一面破了的牆。 那城的人叫「哭牆」。 那應該是因為人都要為著沒有「真理」而哭泣。 沒有了「真理」，是應該哭泣。 你說對嗎？ 沒有真理的世界是怎樣？ 沒有真理的宇宙會怎樣？ 我想我們現在都看見了那是怎樣。 大人小孩都知道了。 不用教他們，因為他們已身在其中。 我想，我還是要找「真理」。 我要聽祂。 我可以找到祂。

正如之前講過，美國股市升到你唔信可以有一萬個同經濟冇關嘅原因。其中一個幾有趣嘅觀察，亦非常美國精神，就係疫症期間網上證券經紀（就係好多香港人都識嘅Charles Schwab、TD Ameritrade、ETrade）嘅新開戶口有158.0萬個，比2019年同期大升107%，交易額亦同步升100%，而戶口資產結餘亦升80%。其中原因應該係零交易手績費（免佣金）同個個宅係屋企，政府又派錢但又冇波睇（賭？）。 另外，美國千禧代好紅嘅一個股票APP 「Robinhood」羅賓漢嘅客戶股票持倉5月升到3000萬個，比3月升100%。 當然，美國散戶始終佔大市交易唔係好大，但如果同時睇吓散戶唔多參與嘅美國國債，10年同30年息率分別係0.73%同1.52％，比3月疫情高峰期只係升咗10%以內（即係債券價格跌咗唔夠10%），代表仲係有好多人選擇避險嘅安全資產，應該都反映大戶嘅主要看法。 大戶唔一定啱，散戶亦唔一定錯。不過，以上嘅數據似乎睇唔到散戶係好理性，佢哋嘅決定亦唔似深思熟慮。俗語話「財不入急門」，相信大部分30歲以上嘅朋友會同意，後生嘅朋友俾我哋醒目，只要search吓fact check吓就會自己有睇法。自己就深信細魚通常俾大魚食。希望自己錯啦。

非常推薦大家睇呢份資料，因為涉及經濟學的核心問題：金錢同財富本身係乜。祝福大家。 https://www.logos.com.hk/acms/upload/logos/images/book-preview/LP942/LP942.pdf 與其成日睇啲帶唔走嘅財經，不如多進求冇人可以攞走你嘅福氣。認識主耶穌先可以得到真正嘅智慧同生命。有興趣嘅朋友可以係下面嘅連結認識耶穌 ，祝福大家。 Youtube：  www.TruthKitchen.tk Facebook：  www.TruthKitchenFB.tk

呢篇本來真係唔太想寫，因為金融市場對好多人來講好似好高深，講咗呢啲嘢大家可能有兩個反應：一：話作大作故仔；二：認為金融市場個個都係騙子。不過因為分析今次嘅金融危機係百年一遇，希望可以寫啲對大家有幫助嘅嘢。如果可以，請大家分享出去同埋FOLLOW呢個BLOG。多謝大家。 要明白點解全球疫情咁大影響但股市指數仍然升得咁勁，大家可以諗吓兩樣嘢：邊個係咁嘅環境仲會買得咁行？佢哋點解買？ 正常來講，你買股票係想搏佢升然後高於成本價賣出。 但如果你唔信經濟會好，仲有冇原因你會買？， 將問題改一下：如果嗰啲唔係你嘅錢，啲錢嘅主人有冇原因想個市升？當然有，仲有一萬個理由：為咗製造一啲正面氣氛、又或者個市升佢可以抽佣⋯⋯ 假設以上嘅講法成立，咁可以點買升個市？呢樣就要明白股市指數點運作。呢點亦唔太難，只要你見過超級市場「買3件第2件半價」減價或者銀行推銷「高息定期：一個禮拜年息可達4厘」就會明。呢兩樣嘢都係先先話俾你知最抵最好個件貨嘅價錢吸睛，但如果你將3件貨嘅總價格加埋除3就會發現冇半價咁抵，定期存款1個禮拜到期你唔可能再有4厘息，一年平均你收嘅息隨時唔夠1厘，因為第二個禮拜你續定期一定遠低於4厘，通常更加低過平時嘅息口。 以上同股市有乜關係？重點唔係報價俾你知指數幾多點？因為簡單來講嗰個指數只係當日成交最後幾分鐘嘅「片刻報價」，好似SCREEN CAP咁，最後用嗰個價成交個指數就用嗰個價計，而唔係投資者可以將手上嘅貨全部賣晒嘅平均價。就算一般散戶都未必可以用收市價將全部手上嘅股票賣晒，平均價通常會差過每日嘅最高價。所以指數其實意義唔大，只反映收市嗰刻用咩嘢價成交，唔係全日嘅平均成交價。 所以，以後唔好再講股市同經濟脫節，因為短期內指數根本只係反映每日嘅成交價走勢，根本同經濟冇必然關係。呢啲仲未計指數可以被有心人因為各種原因MARK個靚嘅收市價。 人心比萬物詭詐。認識主耶穌先可以得到真正嘅智慧同生命。有興趣嘅朋友可以係下面嘅連結認識耶穌 ，祝福大家。 Youtube：  www.TruthKitchen.tk Facebook：  www.TruthKitchenFB.tk

以下純學術討論⋯⋯ 金管局總栽今日寫咗BLOG講聯繫匯率，題目係《以事實為本看金融穩定》 https://www.hkma.gov.hk/chi/news-and-media/insight/2020/06/20200602/ 全篇文1666個字，作為讀者，自己最想知聯繫匯率會唔會散。但睇來睇去，淨係睇到呢幾句最有關係： 總栽話「有一些輿論指美國的《香港政策法》有提及港元與美元的兌換，擔心聯匯制度會否被「單方面取消」，甚至有人言之鑿鑿，指可以禁止香港使用美元結算系統」 然後講咗好多以前講咗幾次嘅數據呀、歷史呀⋯⋯ 「事實上，香港在1983年10月已推行聯匯制度，時間上遠早於美國國會在1992年通過賦予香港特殊待遇的《香港政策法》，所以聯匯制度並不是《香港政策法》給予的「特殊待遇」，而是香港基於自身對金融和貨幣穩定所需而設立。在過去36年來，聯匯制度曾經歷多次市場震盪的考驗，但一直運作順利，是香港貨幣金融體系的基石，不會因為外國對香港的政策而改變。」 之後話：「因此，發生這種極端情況的可能性有多大，大家應該心中有數」。 心中有數？市民就係冇。咁即係散定唔散？可唔可以散？點嘅情況可以散？金管局就係做呢樣嘢，可唔可以簡單啲話俾市民聽呢？你唔Yes又唔No，金融市場就最大忌。風險管理唔係淨係講可能性有幾大，而係要講埋一啲萬萬萬萬一出現係會死人嘅事，「可能性非常低」逆向思維即係「可以發生」。 可能總栽AO出身，寫嘢有一手。講啲嘢都係準確嘅資料，但邏輯唔係好清楚，而且好似冇簡簡單單嘅結論。大家只需要六個字，最多加埋「一定」，就係「聯繫匯率一定唔變」，唔洗另外嘅1000幾個字。 聯繫匯率歷史同《香港政策法》其實唔係重點，因為牽涉人哋嘅貨幣美元先至係關鍵，至少係呢度冇回答嘅問題。當然，如果美國唔俾香港嘅銀行用美元結算，聯繫匯率仲WORK唔WORK？佢又冇答。大家做過電匯就知道，中間係有對家嘅收款銀行，有時仲有中轉行，加埋自己間付款銀行，分分鐘有3間銀行參與一個簡單嘅T／T。外匯可以閂埋門自己做似乎唔係真實情況。呢一樣唔洗金融專才都可以明白。 作為香港人，當然唔想見到香港亂，但分析始終要客觀。 老實講，佢已經好專業（香港人嘅傳統同優勢）。點解？因為由頭到尾佢冇話一定冇事。有乜制度係會永遠？1971年之前啲國家印貨幣要有黃金做儲備，叫金本位，...