MPF點搞：如果MPF戶口得嗰10萬8萬蚊點做？做得啲乜？其實可以自製投資組合⋯⋯

-


＊＊＊自己係度其實想開始同大家分享一啲又簡潔但自己覺得非常重要嘅金融見解。想大家幫一個忙。如果大家睇咗覺得有少少用，請各位每人分享俾10個朋友，令我可以知道啲內容有冇幫到大家。我睇到啲流量數據就會再決定點樣為大家繼續分享上帝俾我嘅經驗同知識。再次多謝大家睇呢個BLOG。＊＊＊

MPF-Croner 誠意推介／Cordially Invites You to


Youtube：  www.TruthKitchen.tk
Facebook：  www.TruthKitchenFB.tk

之前講過同大家分享一下MPF有啲乜嘢攪。

好多香港人供咗MPF咁耐都係得嗰10萬8萬，又有排都未到退休，又冇攪移民，所以一直冇乜點理佢。

其實有冇諗過：你雖然攞唔到啲錢去用住，但啲錢仍然係你嘅，你唔一定要係呢度投資啲你唔係好識嘅嘢，甚至唔投資都冇問題（「股神」畢菲德依家都話唔識投，寧願揸現金；註：佢從冇講過佢係神，亦話自己一定會死）。

另外有一樣嘢，我未聽有人講過，就係將MPF當成你現金嘅一部分，咁你就可以將佢當成定期存款咁。低息？都好過焗住買啲你唔識嘅嘢啩？

當你咁做，你可以將所有未來嘅供款選擇「現金」類嘅基金，特別係大家份工隨時冇咗嘅時候；如果要投資，可以自己買，咁你就唔使俾MPF非常有限嘅選擇限制咗投資工具同更重要嘅流通性，即係幾易買賣。呢種就係大戶會用嘅多種類資產Multi-Asset Classes管理嘅觀念，將看似冇關係嘅資產自行組合，記住現金係一種資產，特別係依家經濟衰退時更加係咁。你明白咗，睇嘢就可以闊好多。

係今時今日，連美國中央銀行都話呢次係好大鑊有排搞，如果話自己識睇點投資就似乎真係好有「自信」。畢菲德都話唔識。

所以，將MPF增加現金唔應該會大錯。方法係之前嘅POST已分享過，大家可以睇翻。

做法：

1. 已供咗嘅：

你可能有賺，亦可能蝕咗。增持現金等於賣出手上基金。

如果有賺，你應該問依家個世界經濟仲會可以有幾多增長？衰退幾會係咪大過舊年？咁你應該可以決定係咪應該先賣咗離場，鎖定利潤，之後再睇。如果你留低，係咪其實驚再升你冇份？呢啲就係散戶通常賺錢變輸錢嘅心理缺陷同原因。控制非理性嘅幻想係好重要，會幫你避過成為貪字得個貧。

如果蝕緊，你睇下個形勢，係咪會好快好返，定係似啱啱開始衰退，向下可以收縮幾多？依家蝕咗幾多？咁你可以決定走唔走，走幾多定走晒。呢方面女士一般比較果斷。依家賣係會令蝕咗嗰部分成為事實，但唔等於冇好處，因為你攞返個主動權，可以控制你再買嘅時間同基金選擇，同埋可以避免萬一出現（或者已經發生緊）嘅漫長經濟衰退同大跌市。好多人話怕你低價賣咗，個市升返買唔切，只係講咗一半，冇講你可以攞返話事權同有可能避過更大更深嘅跌幅。


2. 將來供款：

你未投資，冇贏冇蝕，可以全部攞在「現金」類型嘅基金。通常叫「強積金保守基金」。之前有POSTS已列出所有MPF嘅同類基名名稱，大家可以自己查下。

如果大家睇咗覺得有少少用，請各位每人分享俾10個朋友


Comments

Post a Comment

Popular posts from this blog

MPF分析：隔離令＋政府派錢＝炒股當打機＋賭波＝》人人變股聖？

-
正如之前講過，美國股市升到你唔信可以有一萬個同經濟冇關嘅原因。其中一個幾有趣嘅觀察，亦非常美國精神，就係疫症期間網上證券經紀（就係好多香港人都識嘅Charles Schwab、TD Ameritrade、ETrade）嘅新開戶口有158.0萬個，比2019年同期大升107%，交易額亦同步升100%，而戶口資產結餘亦升80%。其中原因應該係零交易手績費（免佣金）同個個宅係屋企，政府又派錢但又冇波睇（賭？）。 另外，美國千禧代好紅嘅一個股票APP 「Robinhood」羅賓漢嘅客戶股票持倉5月升到3000萬個，比3月升100%。 當然，美國散戶始終佔大市交易唔係好大，但如果同時睇吓散戶唔多參與嘅美國國債，10年同30年息率分別係0.73%同1.52％，比3月疫情高峰期只係升咗10%以內（即係債券價格跌咗唔夠10%），代表仲係有好多人選擇避險嘅安全資產，應該都反映大戶嘅主要看法。 大戶唔一定啱，散戶亦唔一定錯。不過，以上嘅數據似乎睇唔到散戶係好理性，佢哋嘅決定亦唔似深思熟慮。俗語話「財不入急門」，相信大部分30歲以上嘅朋友會同意，後生嘅朋友俾我哋醒目，只要search吓fact check吓就會自己有睇法。自己就深信細魚通常俾大魚食。希望自己錯啦。
Read more

THIS TIME IS DIFFERENT...

-
A no brainer...There is a season for everything...a time for low interest rate, a time for rate hike; a time for bubbles, a time for crashes...it will come...it will come...it will...just a matter of TIME... THIS TIME IS INDEED DIFFERENT...the TIMING per se...and other things aren't so different though https://www.biblegateway.com/passage/?search=Ecclesiastes+3&version=ESV Ecclesiastes 3 English Standard Version (ESV) A Time for Everything 3 For everything there is a season, and a time for every matter under heaven: 2 a time to be born, and a time to die; a time to plant, and a time to pluck up what is planted; 3 a time to kill, and a time to heal; a time to break down, and a time to build up; 4 a time to weep, and a time to laugh; a time to mourn, and a time to dance; 5 a time to cast away stones, and a time to gather stones together; a time to embrace, and a time to refrain from embracing; 6 a time to seek, and a time to lose; a time to keep, and a time to
Read more

你呃人！唔好講大話！小心MPF組合中伏

-
Image
瑞幸咖啡虛增22億人幣交易額⋯⋯股價曾瀉逾八成 過去9個月，香港人應該明白歷史發生過嘅事，無論啲嘢你以為幾百年一遇，我哋都可以一晚之間見證歷史。分鐘股票圖原來可以90度（向下），10年嘅事當冇發生過。 人性貪婪、全世界都係： 美國波音飛機斷估你都坐過，飛機安全測試可以係假嘅，累死幾百人（未計可能有啲從來冇被揭發嗰啲）； 再之前日產汽車「NOTE」等檢車報告又係假； 神戶製鋼鋁製品的強度同尺寸等數據又係假（豐田、三菱重工、新幹線都係佢啲客）； 德國大眾汽車Volkswagen (VW)軟件操控廢氣排放都造假⋯⋯ 呢單瑞幸咖啡其實只係小菜一碟。 問題係：成個世界究竟 仲有幾多係 真 ？你MPF被焗買嘅會有幾多中伏？特別係當冇錢再玩掩眼法嘅時候⋯⋯ 總之，小心Too Good To Be True。10次有11次中。話係香港製造嘅口罩可能都係一樣。 https://www2.hkej.com/instantnews/international/article/2426307 在美國上市的內地連鎖咖啡店瑞幸咖啡(Luckin coffee)公告稱，董事會成立一個特別調查委員會，發現該公司去年第二季至四季期間虛增22億元人民幣交易額，相關的費用和支出也相應虛增，目前調查仍在進行。股價在開市前瀉逾八成，至開市後，最多瀉81.3%，低見4.9美元；收市仍跌75.57%，報6.4美元。 瑞幸咖啡回應稱，該公司正在評估不當行為對其財務報表的整體財務影響。因此，投資者不應再依賴公司以前的財務報表和截至9月30日的9個月的收益發布，2019年及從2019年4月1日起至2019年9月30日止的兩個季度，包括先前對2019年第四季產品淨收入的指導，以及與這些合併財務報表有關的其他訊息。該公司將繼續評估其先前發布的財務狀況和做出其他可能調整。 多家律師樓公開表示，在去年11月13日至今年1月31日間曾購買該股的投資者，如果試圖追回損失，可以與律師樓聯繫，截止日期為本月13日。 沽空機構渾水1月底發表報告認為，瑞幸咖啡從去年第三季開始捏造財務和運營數據，誇大門店的每日訂單量、每筆訂單包含的商品數、每件商品的淨售價，從而營造出單店盈利的假像。
Read more